|
|
|
Bilete av fleire nyttige knutar:
Tømmerstikk:
Tømmerstikk er ein knute som er lett og rask å lage. Denne knuten fungerer godt så lenge tauet er stramt. Tømmerstikk vert ofte nytta viss ein skal dra stokkar etter seg, eller som ein start på ei surring.
Pålestikk:
Denne knuten lagar ein for å få ei sklisikker løkke på tauet. Knuten vert brukt til å feste båten til land, då løkka ikkje stramar seg vil det vere forholdsvis enkelt å løsne den. Sjå på bileta for framgangsmåten.
Fiskerknop:
Denne knuten er utruleg sterk når ein skal skjøyte saman liner eller anna tynt materiale. Binder du saman to relativt tjukke tauverk kan det vere smart å gjere den dobbel, dette vert gjort ved å slå to gongar rundt tauet på begge sider av "midten" av knuten. Knuten du då endar opp med er ein forholdsvis liten og veldig slitesterk knute.
Vinkelsurring:
|
Denne surringa vert nytta til å surre to stokkar vinkelrett mot kvarandre. Det første ein gjer er å laga til eit halvstikk rundt den stokken som står loddrett. Så fører ein tauet tre - fire omgangar rundt kvar stokk, deretter to - tre omgangar mellom stokkane. Det siste ein gjer er å feste tauet med eit halvstikk på stokken som går på tvers. Sjå teikninga og bileta for framgangsmåte. (illustrasjonen er henta frå: http://www.kfuk-kfum-speiderne.no/filestore/vinkelsurring.jpg) |
|
|
Kryssurring:
|
|
|
|
|
|
Denne sida inneheld tips til ulike tauaktivitetar. Me håper den kan fungere som ein idébank for lærarar og andre som jobbar med born. |
|
Me er tre studentar ved Høgskulen i Bergen, avd. lærarutdanning, som tek faget Uteskole 30 studiepoeng. Denne sida er ein del av eksamensprosjektet vårt, som me har jobba med hausten 2009. |
|
Alle bileta og video er teke av oss på gruppa. Illustrasjonar og teikningar er vist med kjelder. |
|
|
|
|
|
|
|