Balansetau (dobbel travers)

 Bilete av balansetau: (trykk på bileta for å få dei større)

(Illustrasjon: Bagøien og Storli, 2002)

Eit balansetau består av to tau i ulike høgder. Poenget er å stå på det nedste tauet, og balansera på det, ved hjelp av det øvste tauet som støtte. Denne aktiviteten kan lett tilpassast ulike aldersgrupper. Stramt tau og liten avstand mellom trea kan til dømes passe godt for dei yngre og usikre borna. For eldre born kan det vere meir utfordrande dersom tauet er lausare og det er lengre avstand mellom trea.

For å setje opp dette balansetauet byrjar ein med det nedste tauet og lagar eit dobbelt halvstikk rundt eit tre, etterfølgt av halvstikk på eige tau. Strekk så tauet til neste tre, og gjer ein oppstramming. Avslutt deretter med halvstikk på eige tau. Det øvste tauet, som er eit hjelpetau, kan festast med båtmannsknop, eller ved hjelp av doble halvstikk. Dette er ein aktivitet som er rask å setje opp og ta ned igjen. (Vingdal og Hollekim, 2001)