Edderkoppnett

(Illustrasjon: Bagøien og Storli, 2002)

Dette er ein fin gruppeleik, der målet er å flytta ei gruppe personar frå ei side av nettet til den andre sida, utan at trådane vert berørte. Gruppa sine medlemmar må samarbeide om ein taktikk for å lukkast. Når den eine personen har passert eit av hola i nettet, er dette holet ”stengt” for dei andre, slik at dei må finne seg nye hol å kome seg gjennom. Dette er ein leik som passar best for mellomtrinnet og oppover, sidan ein må rekne med å løfte andre elevar over og gjennom nettet, og slike tunge tak kan vere vanskelig for dei yngste.

Når ein skal spenne opp eit edderkoppnett, bør ein finne to tre, som står 2-3 meter i frå kvarandre. Ein spenner så opp eit tynt tau, ca 30-50cm over bakken, og eit anna rundt 2 meter over bakken. Så lagar ein eit edderkoppnett ved hjelp av sisaltau, eller eit anna tynt tau, - ved å feste taua på kryss og tvers ved hjelp av båtmannsknop. Det kan vere ein fordel å  ha om lag 5-10 hol å velje mellom. (Bagøien & Storli, 2002)