(Illustrasjon: Bagøien og Storli, 2002)
Dette er ein balansestokk som heng over bakken. Dette kan vere ein utfordring for mange, sidan den er festa med tau til trea, og difor svært ustødig. Her kan ein fint justere vanskegraden ved å henge eit tau i skulderhøgde, som kan brukast som støtte. Vanskegraden avheng også av lengda på tauet mellom stokken og treet, og avstanden mellom stokken og treet. Er avstanden liten og tauet kort, blir stokken stødig og det blir lettare å balansere. Slik kan denne aktiviteten også tilpassast dei ulike aldersgruppene.
Når ein skal lage ein rockestokk, er det viktig å bruke ein lang, solid stokk, som ein legg langs bakken mellom to tre. Ein fester tau i begge endene av stokken ved hjelp av doble halvstikk. Dette bruker ein også for å feste stokken fast til trea. Ein avsluttar med halvstikk på eige tau. Det bør ikkje vere for lang avstand mellom trea ein brukar, og stokken bør heller ikkje henge for høgt oppe frå bakken. Dette er ein aktivitet som tar litt tid å lage, og det er viktig å tenkje på vedlikehaldet sidan den skal henge ei stund. Det kan til dømes vere lurt å barke stokken, så treet ikkje rotnar. I tillegg kan det vere ein fordel å lage spor i stokken der taua skal knytast, slik at ikkje knutane glir bort frå der dei skal vere. (Bagøien & Storli, 2002)
Knutane ein nyttar seg av kan ein sjå her: http://uteskule.page.tl/Video-av-knutar.htm